في مطار انتيكا الدولي...

السلام عليكم
هاي عليكم يا اخواتي و اصحابي الحلوين
النهاردة جبتلكم قصة مضحكة جامدة...يارب تكون حلوة
اسيبكم تقروا القصة....

في الصباح الباكر في مطار انتيكا الدولي....
الحاكم: انت حجزتلي على انهي شركة يا عبده؟
عبده: الشركة الوطنية يا فندم.. انتيكا للطيران

الحاكم: يادي الهباب المقطرن.. الحق اكتب وصيتي بقى
عبده: معلش يا فندم دى ارخص رحله موجوده
الحاكم: طبعا لانها هاتوصل بعد شهرين زى قوافل الحجاج بتوع زمان
********
الكابتن يستقبل الحاكم
- يا اهلا يا اهلا بجناب الحاكم.. معلش السلم الكهربا مش شغال.. اطلع السلم وخلى بالك من السلمه المكسوره...
- هو انا طالع بيت فى الدويقة؟
يصعدان معا حتى باب الطائرة....
-يا تلتميت مرحبا.. الطيارة نوّرت اتفضل ياجناب الحاكم سمّي وادخل برجلك اليمين
-اخبار الطيارة ايه يا كابتن؟
- كله زى الفل.. غيرنا الاستبن وزودنا بنزين والجناح المكسور لزقناه بالسوليتيب وبقى زي الفل
-هى الطياره مكسورة الجناح؟ استر يا ستاااااااااااااار

********
يكمل الحاكم:
- امّال فين المضيفات الحلوات هو مفيش حاجه نشربها؟
- ثانية واحدة يا فندم ابعت حد حالا
ويدخل رجل يرتدي مريلة بيضاء ويحمل صينيه ويبدو عليه انه قهوجى
- ايوه جااااااي
-الحاكم: ايه ده امال فين المضيفة؟؟
- مانا هو قدام معاليك اؤمر ياباشا
- عايز قهوه سكر زيادة
القهوجى يصيح: وعندك واحد قهوه سكر عالي لجناب الحاكم وصلّحه..
(يكلم عبده) والباشا يشرب ايه؟
- شاي بحليب
- وكمان واحد شاي بقلب ابيض
يهم بالانصراف ثم يعود ليسأل
- حد فيكم عايز يشيّش؟
- يشيش؟ احنا فين يا عبده
- معلش يا فندم.. ( للقهوجى) انا عايز تفاحه وحمر بالولعة
الحاكم: قهوه وشيشه احنا في الفيشاوي للطيران ولا ايه؟

********
بعد قليل يمر بائع بين صفوف الركاب يوزع نعناع
البائع:سلي طريقك ونعنش بقك وافتح صدرك بربع جنيه يرجع الصحة ويجلي الكحة بربع جنيه.. مين قال هات!؟

عبده :اجيبلك نعناع يافندم؟
-نعناع ! والله مش ناقص غير ان سواق الطيارة ييجي يلم الاجره
ويوصل القهوجى بالطلبات......
-كفايه دخان بقى يا اخي خنقتنى
- ياخبر يا فندم.. افتحلك الشباك؟
- تفتحلي الشباك!! ليييييييه هيّ طيارة نقل عام؟
- انا بقول يعني عشان الدخان مضايقك
ويكمل عبده: تحب اجيب لك سوبيا او تمر هندى؟
- منين؟
- في بياعين سريحه هيعدّوا جنب الطيارة ببراشوتات

********
يقطع الحوار صوت الكابتن.....
"كابتن الطيارة يحيكم ويهنئكم بقرب الوصول مطار اورلي"
- ياااااه اخيرا
- حمد لله على السلامة يا فندم
-ده انتم هتشوفوا ايام سودة انت ووزير الطيران بس لما نرجع انتيكا
" كابتن الطياره يخبركم اننا الان فوق مطار اورلي واللي نازل اورلي يقرّب على الباب"
-يقرب على الباب!!.. هو مش ناوي يقف؟
- صعب يا فندم.. أصل في لجنة على اول المطار
- وطبعا مش معاه رخصه.. امال هننزل ازاي؟
- هنّط
-ننط؟
- متخافش انا هحاول اتصرفلك في براشوت او كيس نايلون

********
" كابتن الطيارة يخبركم انه سيقوم بعمل هبوط اضطراري في المطار لعمل صيانة في المحرك"
-عبده: اهي اتحلت.. الراجل هينزل غصب عنه حظك حلو يا فندم
الحاكم وعبده يهبطان من الطائرة وسط زحام شديد من الركاب فى حين يطارد
القهوجى ركاب الطائرة مطالبا بحسابه.. وفي حين يخرجان من المطار يصرخ
الحاكم
- الحقني يا عبده
- خير يا فندم
- انا اتنشلت





اتمني قصتي تكون عجبتكم و يكون دمي خفيف عليكم...لأن اللي هيقول غير كدة...

..
.
.
.
.
.
.



مش هاعمل حاجة....
هههههههههههههه

اتمني القصة تكون عجبتكم
مستنية ردودكم....
I Waiting Your Answers To My Story......


........


See You Soon....


........

لأ لأ لأ لأ......


فين ردودكم ؟؟

ههههههههههههههههه حلوه دى بتطلع من مطار رمسيس ولا التحرير
تحرير تحرير تحرير عتبه عتبه عتبه ولا من مطرا امبابه امبابه امبابه كتكات كتكات كتات

حلوه تسلمى عن جد ههههههههههههههههههههههههههههههههههه

ثااانكس مجنون على ردك..اسعدني تواجدك كتيييييير....

ميرسي المحب كتير على ردك الجميل....اسعدني تواجدك ...