تخيل كده وانت قاعد في اوضتك وعمال تقرا في كتاب رومانسي وخيالك سرحان مع فارسة احلامك تيجي تاخدك وهيا راكبه على السيسي الابيض وفجأة تلاقي امك دخلت عليك وكان اصلا قاعده مع الجيران وتلاقيها بتقولك انا عازه اتكلم معاك في موضوع يا ابني .... طبعا هترد عليها وانت قلقان خير يا ماما؟؟؟ تقول امك : والله يا حمادة يا ابنى ام محمد جارتنا عاوزه تخطبك لبنتها . وانت ما شاء الله عليك كبرت واحلويت والكل عاوزك...... ايه رأيك يا ابني ؟ ساعتها تنزل راسك في الارض وتلعب في شعرك او في شنبك وترد وانت مكسوووووف وخدودك حمرا
الرأي رأيك والشوره شورتك يا ماما لأ لأ لأ يا( مامي احسن ) وامك لأ مامتك تقولك بقى : والله انا مش شايفه في البنت حاجه ماشاء الله عليها محترمه و وظيفتها محترمه ومرتبها محترم وعيلتها كمان كويسه وبعدين من الشغل للبيت ومن البيت للشغل ولا بتدخن ولا بتخرج مع البنات صاحباتها يعني من الاخر بنت كويسه اوي
انت بقى تقول لولدتك: بس يا مامي هيا عمرها ما شافتني خالص والدتك تقول : هيا شافتك وانت نازل من الشغل بتاعك بس يا سيدي وسألت عليك وقالولها انك ولد كويس وابن ناس ولا بتروح تسهر بره ولا بتروح مع اصحابك تسهر معاهم في الكوفي شوبات بتاعت اليومين دولآ وقالولها كمان انك مبتخرجش الا مع ابوك المهم يا ابني هيا وامها جايين يوم الخميس علشان يشوفوك انت تسأل وتقول : طيب يا مامي بابي رأيه ايه ؟؟ ترد والدتك وتقول : والدك ما يعرفش حاجه هو مشغول في المطبخ وتنظيف البيت. انت تقول : خلاص يا مامي اللي انتي شايفاه وتخرج والدتك من الغرفه
وانت تقوم جري تقف قدام المرايا وتلف نص لفه يمين ونص لفه شمال وتشوف جسمك وتسرح شعرك وشنبك بمنتهى الدلع
وتقول : اخيرا حست بيا وخطبتني -
وقبل يوم الخميس تروح للكوافير الرجالي وتكون حاجز قبلها وتصبغ شعرك هاي لايت وتظبط حواجبك واللذي منه وتطلع زي القمر في الاخر
وتيجي للبيت وتلبس البنطلون اللي السوسته بتاعته ( من ورا والقميص اللي كلة كرانيش وتحط العطر الرقيق الناعم) كل ده وخطيبتك و امها قاعدين بره وفي اللحظه دي والدك يقولك : يالله يا ابني دخل العصير لعروستك امك عماله تسأل عنك لحد ما خنقتني وانت تقول لوالدك : يا بابي انا بتكسف مش هاقدر ادخل العصير وابوك يقول وهو حاطط ايده على كتفك يالله يا ابني روح لعروستك هىءهىء وانت تقول : يا بابي انت دايما تحرجني كده ... وساعتها تدخل صينيه العصير وانت على الباب تقول احم احم وبكل ادب ورقه ودلع تقول سسسسسسلام عليكم وترد هيا عليك بعد ما تقف وتقولك وعليكم السلام وهيا عينها هتطلع عليك وتقولها اتفضلي العصير وانت طبعا بتقدم نوعين عصير برتقال وفراوله وهيا تسألك ايه احلى العصير الاصفر ولا الاحمر ؟ انت ترد تقولها الاتنين حلوين وهيا ترد طبعا عشان انت اللي عملته بأيدك وتحط الصينيه بسرعه وتحط ايدك على فمك وتكتم الضحكه وتطلع بسرعه من الغرفه دي وتلاقي اخوانك الولاد يسألوك شكلها ايه ؟ وانت تقوللهم : تهبل يا اخواني والله حلوه اوي ودمها خفيف
وفجأه تسمع والدك بيزغرط وبيقولك مبروك يا ابني
المحب مراقب عام
كيف تعرفت علي الموقع : دعوة المزاج : عدد المساهمات : 3471المهنة : نقاط : 10254السمعة : 94تاريخ التسجيل : 29/08/2009العمر : 39 المواضيع المميزة للعضو : مكتبه الافلام الكوريه متجدده لعالم العقلاء فقط
موضوع: رد: تبديل الادوار فى وقت الاسحار الإثنين نوفمبر 09, 2009 12:03 pm
موضوع رائع و هام جدااا الف شكر على طرحك
بس ديه ظاهرة غريبة بشكل و الله لو يجي يوم و تجرى هالحالة لاكون قاتل هالبنت و قاتل عايلتها كمان هههههه
البَواَبَه ~
~
.gif "عسى الله لا يفرقنا")
موضوع: تبديل الادوار فى وقت الاسحار 
.gif "اتصور بالكميرا")
.gif "زعلان")
